قواعد اردو-52: شاعری کی اصناف-سوم

2۔  ہیئت(ساخت) کے اعتبار سے اصناف نظم

1۔ مَثنَوی: مثنَوی کے لغوی معنی ”دو دو“ کے ہیں۔ وہ طویل مسلسل نظم جس میں کوئی قصہ، کہانی، جنگ کا احوال یا فلسفہ بیان کیا جائے۔ اس کے ہر شعر کے دونوں مصرعے ہم قافیہ ہوتے ہیں، لیکن ہر شعر کا قافیہ دوسرے شعر سے مختلف ہوتا ہے۔
مثنوی کی موضوعاتی تقسیم موضوع کے اعتبار سے مثنوی کی دو بڑی قسمیں ہیں:  
                    بزمیہ:  عشق و محبت اور حسن کی داستانیں، جیسے سحرالبیان
                         رزمیہ:  جنگ اور شجاعت کے واقعات، جیسے رزم نامے اور شاہنامے۔ حفیظؔ جالندھری کا شاہنامہ اسلام  
2۔ مُسَمّط: عربی زبان کے لفظ ”مُسَمَّط  “کے معنی موتیوں کو لڑی میں ”پرونا“ یا ”ہار گوندھنا “کے ہیں۔علمِ ہیئت کی اصطلاح میں مسمط ایسی نظم کو کہتے ہیں جو کئی بندوں پر مشتمل ہو اور جس کے ہر بند میں مصرعوں کی تعداد مقرر اور یکساں ہو۔ مسمط کے پہلے بند کے تمام مصرعے ہم قافیہ ہوتے ہیں۔ اس کے بعد آنے والے ہر بند کے ابتدائی مصرعوں کا قافیہ تو آپس میں ایک جیسا ہوتا ہے (جو پہلے بند سے مختلف ہوتا ہے)، لیکن ہر بند کا بالکل آخری مصرع لازمی طور پر پہلے بند کے قافیے کا پابند (ہم قافیہ) ہوتا ہے۔
            اسکی 2 اقسام ہیں؛ 1 ۔ مصرعوں کی تعداد کے لحاظ سے                     2۔ مصرعوں کی تکرار کے لحاظ سے

1۔ مسمّط کی اقسام (مصرعوں کی تعداد کے لحاظ سے)
            مسمط کی درجہ بندی اس بات پر کی جاتی ہے کہ اس کے ایک بند میں کل کتنے مصرعے ہیں۔ اس کی کل 8 بنیادی اقسام ہیں، جو 3 سے لے کر 10 مصرعوں تک محیط ہیں:

   1۔          مُثَلَّث:عربی لفظ ثلاثہ  (تین) سے مشتق ہے۔ یہ وہ نظم ہے جس کا ہر بند تین (3) مصرعوں پر مشتمل ہو۔ پہلے بند کے تینوں مصرعے ہم قافیہ ہوتے ہیں، جبکہ اگلے ہر بند کے پہلے دو مصرعے الگ قافیے میں اور تیسرا مصرع پہلے بند کا ہم قافیہ ہوتا ہے۔

   2۔          مُرَبَّع :عربی لفظ اربعہ(چار) سے نکلا ہے۔ وہ نظم جس کا ہر بند چار (4) مصرعوں پر مشتمل ہو۔ اسے ”چوکڑی“ بھی کہا جاتا ہے۔

   3۔          مُخَمَّس :عربی لفظ خمسہ (پانچ) سے مشتق ہے۔ وہ نظم جس کا ہر بند پانچ (5) مصرعوں پر مشتمل ہو۔ نظیر اکبر آبادی کی شاہکار نظمیں (جیسے ”آدمی نامہ“اور”بنجارہ نامہ“) مخمس کی بہترین مثالیں ہیں۔

   4۔          مُسَدَّس :عربی لفظ  ستہ  (چھ) سے ماخوذ ہے۔ وہ نظم جس کا ہر بند چھ (6) مصرعوں پر مشتمل ہو۔ اس میں عموماً پہلے چار مصرعے ہم قافیہ ہوتے ہیں، اور آخری دو مصرعے (جنہیں  بیت کہا جاتا ہے) الگ قافیے میں لائے جاتے ہیں۔ مولانا حالی کی”مسدسِ مدوجزرِ اسلام“ اور علامہ اقبال کی ”شکوہ/جوابِ شکوہ“ اسی ہیئت میں ہیں۔

   5۔          مُسَبَّع:عربی لفظ سبعہ (سات) سے مشتق ہے۔ وہ نظم جس کا ہر بند سات (7) مصرعوں پر مشتمل ہو۔ اردو شاعری میں اس کا رواج بہت کم رہا ہے۔

   6۔          مُثَمَّن: عربی لفظ ثمانیہ (آٹھ) سے نکلا ہے۔ وہ نظم جس کا ہر بند آٹھ (8) مصرعوں پر مشتمل ہو۔

   7۔          مُتَسَّع:عربی لفظ تسعہ (نو) سے مشتق ہے۔ وہ نظم جس کا ہر بند نو (9) مصرعوں پر مشتمل ہو۔

   8۔          مُعَشَّر:عربی لفظ عشرہ (دس )سے ماخوذ ہے۔ وہ نظم جس کا ہر بند دس (10) مصرعوں پر مشتمل ہو۔

2۔ مسَمَّط کی اقسام (بلحاظ اندازِ تکرار)
          ترجیع بند: ہر بند کے آخر میں ٹیپ کا شعر دہرانے والا انداز۔
            ترکیب بند: ہر بند کے آخر میں نیا شعر لانے والا انداز۔

1۔ ترجیع بند: عربی لفظ ترجیع کے معنی ہیں”لوٹانا“ یا ”بار بار لانا“۔ یہ وہ طویل نظم ہے جو کئی بندوں پر مشتمل ہوتی ہے۔ اس کے ہر بند میں مصرعوں یا اشعار کی تعداد یکساں ہوتی ہے اور ہر بند کا قافیہ عموماً الگ ہوتا ہے، لیکن ہر بند کے آخر میں ایک ہی مخصوص شعر ہو بہو دہرایا جاتا ہے۔ اس بار بار دہرائے جانے والے شعر کو عروضی اصطلاح میں ”ٹیپ کا شعر“ کہتے ہیں۔     
مثال:ترجیع بند کی ایک نہایت مشہور، مستند اور واضح مثال نظؔیر اکبر آبادی کی شاہکار نظم”بنجارہ نامہ“ہے۔یہ نظم ہیئت کے لحاظ سے ایک ”مخمس“ (پانچ مصرعوں کا بند) ہے، لیکن چونکہ اس کے ہر بند کے آخر میں ایک ہی مصرع (ٹیپ کا مصرع) ہو بہو دہرایا گیا ہے، اس لیے قواعد کی رو سے اسے”مخمس ترجیع بند“کہا جائے گا۔ نظیر اکبر آبادی کی اس نظم کے دو بند ملاحظہ کریں تاکہ بار بار دہرائے جانے والے مصرعے (ترجیع) کی عملی وضاحت ہو سکے۔

پہلا بند: ٹک حرص و ہوا کو چھوڑ میاں، مت دیس بدیس پھرے مارا                                                                                                                                              قزاقِ اجل کا لوٹے ہے، دن رات بجا کر نقارا
                                                                                                                                                                                                                                                           کیا بدھیا، بھینسا، بیل، شتر، کیا گونی پلہ، سربھارا                                                                                                                                                                                                                                                                                                                                                                                                                             کیا گیہوں، چاول، موٹھ، مٹر، کیا آگ، دھواں، کیا انگارا       

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                         سب ٹھاٹھ پڑا رہ جاوے گا، جب لاد چلے گا بنجارا                                                                                                                (ٹیپ کا مصرع)

دوسرا بند: مغرور نہ ہو تلواروں پر، مت پھول بھروسے ڈھالوں کے                                                                                                                                                                                                                                                                                                                                                                                                                                  سب پٹّہ توڑ کے بھاگیں گے، منہ دیکھ اجل کے بھالوں کے
                                                                                                                                                                                                                                                                                                              کیا ڈبے موتی ہیروں کے، کیا ڈھیر خزانے مالوں کے                                                                                                                                                                                                                                                                                                                                                                                                                                                                                                                                                                               کیا بقچے تاش مشجر کے، کیا تختے شال دوشالوں کے

                                                                                                                                                                                                                                                                                                                                                                                                                                                                                                                                                                                                                                                                                                                                     سب ٹھاٹھ پڑا رہ جاوے گا، جب لاد چلے گا بنجارا                                                                                             (وہی ٹیپ کا مصرع)

نوٹ :اس مثال میں دونوں بندوں کے ابتدائی چار مصرعوں کے قافیے ہر بند میں تبدیل ہو رہے ہیں (پہلے بند میں مارا، نقارا وغیرہ / دوسرے بند میں ڈھالوں، بھالوں وغیرہ)، لیکن پوری نظم کو ایک مرکزی خیال سے جوڑے رکھنے کے لیے پانچواں مصرع (سب ٹھاٹھ پڑا رہ جاوے گا...) ہر بند کے اختتام پر بالکل انہی الفاظ اور اسی قافیے کے ساتھ دہرایا جا رہا ہے۔ اسی دہرانے کے عمل کو”ترجیع“اور اس نظم کو ”ترجیع بند“کہا جاتا ہے۔
2۔ ترکیب بند: ترکیب کے معنی ہیں ”جوڑنا“ یا ”ترتیب دینا“۔ اس نظم کی ساخت بھی بالکل ترجیع بند جیسی ہوتی ہے (یعنی کئی بند اور ہر بند میں یکساں اشعار)، لیکن  اس کے ہر بند کے آخر والا شعر دہرایا نہیں جاتا، بلکہ ہر بند کے اختتام پر ایک نیا اور مختلف شعر لایا جاتا ہے، جو پچھلے بند کے خیال کو اگلے بند سے جوڑنے کا کام کرتا ہے۔
مثال: علامہ اقبال کی مشہور نظمیں ”شکوہ“ اور ”جوابِ شکوہ“یا مولانا حالی کا ”مسدس مدوجزرِ اسلام“ ہیئت کے لحاظ سے مسدس ہیں، لیکن صنف اور انداز کے لحاظ سے ”ترکیب بند“ہیں کیونکہ ان کے ہر بند کے آخر میں نیا شعر لایا گیا ہے۔

3۔ ثلاثی:وہ نظم یا کلام جو صرف تین (3) مصرعوں پر مشتمل ہو۔ثلاثی ایک مختصر، آزاد اور مکمل صنف ہے۔ اس پوری نظم میں کل ملا کر صرف اور صرف تین مصرعے ہوتے ہیں۔شاعر انہی تین مصرعوں کے اندر اپنا پورا خیال، فلسفہ یا پیغام مکمل کر دیتا ہے۔یہ قطعے یا رباعی کی طرح ایک مکمل اکائی ہوتی ہے۔
            ؎           اشک کو مطلعِ اظہار بنایا جائے
                        حالِ دل رحمتِ عالم کو سنایا جائے
                        بوجھ اس طور طبیعت سے ہٹایا جائے                                                                                      حفیظ تائبؔ
4۔ رباعی:عربی لفظ ”ربع“ (چار) سے نکلا ہے۔ چار مصرعوں پر مشتمل وہ مکمل اور آزاد صنف جس میں ایک مکمل فلسفہ یا خیال پیش کیا جاتا ہے۔ اس کا پہلا، دوسرا اور چوتھا مصرع ہم قافیہ و ہم ردیف ہوتا ہے ۔ اسکے 24 اوزان مقرر ہیں اور یہ انہی مخصوص اوزان کے اندر لکھی جاتی ہے۔      
            ؎          کھوتے ہیں اگر جان تو کھو لینے دے                                                                                                                                                                                                        ایسے میں جو ہو جائے وہ ہو لینے دے
                                                                                                                                                                                                                                                                                                                                                                                                                                                                                                        ایک عمر پڑی ہیں صبر بھی کر لیں گے                                                                                                                                                                        اس وقت تو جی بھر کے رو لینے دے                                          فراقؔ  گورکھپوری

5۔ قطعہ:کم از کم دو اشعار (زیادہ کی پابندی نہیں) پر مشتمل ایسا مسلسل کلام جس میں کوئی ایک ہی خیال یا واقعہ بیان کیا گیا ہو۔ اس میں مطلع ہونا شرط نہیں ہے۔ اس کے دوسرے اور چوتھے مصرعے میں قافیہ لایا جاتا ہے۔       
            ؎           رات یوں دل میں تری کھوئی ہوئی یاد آئی                                                                                                                                                جیسے ویرانے میں چپکے سے بہار آ جائے 
                        جیسے صحراؤں میں ہولے سے چلے باد نسیم                                                                                                                            جیسے بیمار کو بے وجہ قرار آ جائے                                                                                                                                                                                                                                                                                                                                                                                                                                                                                                                                                                                                             فیض احمد فیضؔ

6۔ دوہا:دوہا بنیادی طور پر ہندی اور برج بھاشا کی قدیم صنفِ سخن ہے جس نے اردو ادب میں بھی ایک مستقل اور مستند حیثیت اختیار کر لی ہے۔ تکنیکی اعتبار سے یہ محض دو مصرعوں پر مشتمل ایک مکمل نظم ہوتی ہے۔ عروضی لحاظ سے یہ بحر کے بجائے ”ماتراؤں“ (آواز کے وزن کی اکائی) پر استوار ہوتا ہے۔ اس کے ہر مصرعے میں 24 ماترائیں ہوتی ہیں، جن میں 13 اور 11 ماتراؤں پر وقفہ (ٹھہراؤ) آتا ہے، اور دونوں مصرعے لازمی طور پر ہم قافیہ ہوتے ہیں۔ یہ صرف دو مصرعوں پر مشتمل ہوتی ہے، دونوں مصرعے ہم قافیہ ہوتے ہیں اور اس میں عموماً اخلاقی، صوفیانہ یا سماجی مضمون بیان ہوتا ہے۔
مشہور شعرا؛  کبیر داس۔ جمیل الدین عالی۔ندا فاضلی۔ اے ڈی راہیؔ۔ امیر خسرو۔ بو علی قلندر پانی پتی۔ وغیرہ
؎           دل کے روشن دان میں عالیؔ، یادوں کی چلمن                                                                                                                     چلمن کے اس پار کھڑا ہے، ایک پرانا ساجن                                                                                                     عالیؔ
؎           بڑا ہوا تو کیا ہوا، جیسے پیڑ کھجور                                                                                                                                                                                                          پنتھی کو چھایا نہیں، پھل لاگے اِتی دور                                                                                                                                                        کبیر داس

7۔ یک بیتہ (فرد):ایسا اکیلا شعر جو اپنے آپ میں مکمل معنی اور جامعیت رکھتا ہو اور کسی غزل یا نظم کا حصہ نہ ہو، اسے ”فرد“یا ”  یک بیتہ“ کہتے ہیں۔
؎           ہم آہ بھی کرتے ہیں تو ہو جاتے ہیں بدنام                                                                                                                                             وہ قتل بھی کرتے ہیں تو چرچا نہیں ہوتا                                                                                                                                  اکبرؔاِلہ آبادی

8۔ دو بیتہ: دو اشعار پر مشتمل کلام۔ اردو اور فارسی قواعد میں عموماً رباعی یا قطعے کو ہی ان کے چار مصرعوں (دو اشعار) کی وجہ سے دو بیتہ کہا جاتا ہے۔
          ؎          ہیں مستِ مئے شہود، تو بھی، میں بھی                                                                                                                                             ہیں مدعیِ نمود، تو بھی، میں بھی         
                    یا تو ہی نہیں جہاں میں، یا میں ہی نہیں                                                                                                                                     ممکن نہیں دو وجود، تو بھی، میں بھی                                                                                                                                      امجد ؔ حیدرآبادی

9۔ تضمین : کسی دوسرے شاعر کے ہو بہو الفاظ، مصرعے یا شعر کو اپنے کلام کا حصہ بنانا "تضمین" کہلاتا ہے۔
طرحی غزل یا تتبع: کسی دوسرے شاعر کی "زمین" (یعنی اس کی بحر، قافیے اور ردیف) کو اپنا کر اس پر بالکل نئے اشعار اور اپنی مکمل غزل کہنا تتبع یا طرحی غزل کہلاتا ہے۔  اسے جوابِ غزل بھی کہا جاتا ہے۔
مخمسِ تضمینی : اگر شاعر کسی کے ایک شعر (دو مصرعوں) پر اپنے تین مصرعے لگا کر اسے 5 مصرعوں کا بند بنا دے، تو قواعد کی رو سے اسے "مخمسِ تضمینی" کہا جاتا ہے۔ اگر  دو مصرعوں پر اپنے چار مصرعے لگائے جائیں تو وہ "مسدس" کے خانے میں رکھی جائے گی۔

تضمین کا لازمی اصول (اخلاقی و تکنیکی):

قواعد کی رو سے یہ لازم ہے کہ کلام میں جو مصرع یا شعر کسی دوسرے شاعر کا ہو، اسے واوین (”  “) میں لکھا جائے یا کلام کے اندر ہی اس شاعر کا نام واضح کر دیا جائے، تاکہ سرقہ (چوری) کا گمان نہ ہو۔

تضمین کی شعری مثال:غالب نے امام بخش ناسخؔ کے مصرعہ کی تضمین اس طرح کی ہے؛

غالبؔ اپنا یہ عقیدہ ہے بقولِ ناسخؔ

”آپ بے بہرہ ہے جو معتقدِ میرؔ نہیں“
10۔ماہیا:یہ بنیادی طور پر پنجابی لوک شاعری کی ایک انتہائی مقبول صنف ہے جس نے جدید اردو شاعری میں بھی اپنی ایک مضبوط اور الگ پہچان بنا لی ہے۔
ہیئت (ساخت): ماہیا صرف تین مصرعوں پر مشتمل ہوتا ہے۔ اس کا پہلا اور تیسرا مصرع وزن میں برابر اور ہم قافیہ (یا ہم قافیہ و ہم ردیف) ہوتے ہیں۔ اس کی سب سے بڑی تکنیکی پہچان یہ ہے کہ اس کا درمیانی (دوسرا) مصرع پہلے اور تیسرے مصرعے کی نسبت وزن میں قدرے چھوٹا (short) ہوتا ہے اور اس کا قافیہ بھی الگ ہوتا ہے۔
موضوع: اس میں عموماً حسن و عشق، ہجر و وصال، کسک اور جدائی کے جذبات نہایت سادگی، مٹھاس اور سوز کے ساتھ بیان کیے جاتے ہیں۔
شاعر:    اختر شیرانی ۔          چراغ حسن حسرتؔ ۔          حیدر قریشی۔        قتؔیل شفائی۔       
مثال:چراغ حسن حسرتؔ کا معروف ماہیا ؛
            ؎           باغوں میں پڑے جھولے
                              تم بھول گئے ہم کو
                                        ہم تم کو نہیں بھولے
یہ ماہیا اردو میں چراغ حسن حسرتؔ کی ماہیا نگاری کی معروف مثال ہے اور اس کے ارکان مفعول مفاعیلن بیان کیے گئے ہیں۔
نوٹ: اس مثال میں غور کریں کہ پہلا اور تیسرا مصرع ہم قافیہ ہیں، جبکہ درمیانی مصرع”ہم بھی وہاں ہوں گے“ پڑھنے اور وزن میں باقی دونوں سے چھوٹا ہے، جو کہ ماہیے کی اصل شرط ہے۔

11۔کافی:یہ پنجابی، سرائیکی اور سندھی شاعری کی مشہور صنف ہے جسے اردو میں بھی صوفیائے کرام نے اپنایا۔ اس کا مزاج گیت اور غزل کے امتزاج سے ملتا ہے اور یہ موسیقی کے مخصوص راگوں میں گائی جاتی ہے۔ اس میں وحدت الوجود اور عشقِ حقیقی کے مضامین ہوتے ہیں۔جیسے؛ خواجہ غلام فرید ، شاہ حسین، سچل سر مست، شاہ لطیف اوربابا   بلھے شاہ کی کافیاں۔
            بلھیا کیہ جاناں میں کون                                                                                                            نہ میں مومن وچ مسیتاں                                                                                                نہ میں وچ کفر دیاں ریتاں
             نہ میں پاکاں وچ پلیتاں                                                                                                                  نہ میں موسیٰ نہ فرعون                                                                                                                                                                                      بلھیا کیہ جاناں میں کون
             نہ میں اندر بید کتاباں                                                                                                                                                                  نہ وچ بھنگاں نہ شراباں                                                                                                                                                                              نہ وچ رنداں مست خراباں
            نہ وچ جاگن، نہ وچ سون                                                                                               بلھیا کیہ جاناں میں کون                                                                                                                                                                            بابا بلھےؔ شاہ

12۔گیت:ہندی روایت سے اردو میں آنے والی وہ صنف جو موسیقی کے سروں سے جڑی ہے اور اس میں عموماً عورت کی طرف سے جذباتِ عشق کا اظہار کیا جاتا ہے۔چند مشہور شعرا؛     امیر خسرو۔ اخترؔشیرانی۔ ن۔م۔راشدؔ۔ وغیرہ
            انھیں جی سے میں کیسے بھلاؤں                                                                                                         سکھی     مرے جی کو آ کے لبھا ہی گئے
            مرے من میں درد بسا ہی گئے                                                                                                                                        مجھے پریت کا روگ لگا ہی گئے                                                                                                                                                                                                                                          اختر شیرانیؔ
13۔پیروڈی (تحریف):طنز و مزاح کی ایک بے حد مقبول شعری صنف جس میں کسی مشہور سنجیدہ غزل یا نظم کے الفاظ کو تھوڑا سا بدل کر مزاحیہ رنگ پیدا کیا جاتا ہے۔ مشہور شعرا؛      اکبرؔ الہ آبادی۔   دلاور فگارؔ۔ سید ضمیؔر جعفری۔ انورؔ مسعود۔                 مجید ؔ لاہوری ۔                  ابنِ انشاؔ
14۔مستزاد:وہ نظم یا غزل جس کے ہر مصرعے کے آخر میں ایک مختصر سا ٹکڑا (وزن کے مطابق) بڑھا دیا گیا ہو جو معنی میں بھی اصل مصرعے سے تعلق رکھتا ہو۔   
          ؎         جب ان سے حالِ دلِ مبتلا کہا، تو کہا                                          بچائے تجھ سے خدا
                    کچھ اور اس کے سوا مدعا کہا، تو کہا                                                                                                             ہماری جانے بلا                                                                                                                                                                                                                                                                                                                                                                                                                                                                                                                                                                                                                                             داغؔ دہلوی
15-ہائیکو:یہ دراصل جاپانی شاعری کی ایک صنف ہے جو اردو میں بہت مقبول ہے۔ یہ صرف تین مصرعوں پر مشتمل ہوتی ہے۔ اس میں بحر کی پابندی کے بجائے ارکان (Syllables) کی مخصوص ترتیب (عام طور پر 5-7-5) رکھی جاتی ہے اور عموماً فطرت سے متعلق موضوعات بیان ہوتے ہیں۔ مشہور شعرا؛ ڈاکٹر محمد امینؔ۔   ادؔا جعفری۔              محسنؔ بھوپالی۔       تابشؔ دہلوی۔وغیرہ
            ؎           روشنی کی لکیر چھوڑ گیا                                                                                                                      شب کی کالی سلیٹ پر جگنو                                                                                                                                                     یاد آیا مجھے نسیم کوئی                                                                                                                                                                                                                                                                                                                                                                                                                                     نسیم سحرؔ      
            ؎           دھوپ میں نرمی تھی                                                                                                                                       نرم ملائم موسم تھا                                                                                                                                                                                                                                                                                                                                           یادیں بچپن کی                                                                                                                                                                                                                                                                                                                                                                                                                                                                                                                               ساحل احمدؔ
            ؎           شہر سے دور ایک پگڈنڈی                                              اِک اکیلا درخت پیپل کا                                                                                                                                                                       جانے والوں کا رستہ دیکھے                                                                                                                                                                                                                                                                  بشیر سیفیؔ     

16۔ سانیٹ (Sonnet):یہ مغربی ادب (اطالوی اور انگریزی) سے اردو میں شامل ہونے والی نظم کی ایک صنف ہے جو ٹھیک چودہ (14) مصرعوں پر مشتمل ہوتی ہے۔ اس میں ایک ہی مرکزی خیال، جذبہ، یا فلسفہ ایک مخصوص تسلسل کے ساتھ پیش کیا جاتا ہے۔
اس کی ہیئت  کے لحاظ سے چار اقسام ہیں اور سب سے مشہوردو  اقسام درج ذیل ہیں:
1۔ شیکسپیئرین سانیٹ (انگریزی ہیئت): اس میں چودہ مصرعوں کو 4 بندوں میں تقسیم کیا جاتا ہے۔ پہلے تین بند چار چار مصرعوں پر مشتمل ہوتے ہیں، اور چوتھا بند صرف دو مصرعوں کا ہوتا ہے جس میں نظم کا نچوڑ یا نتیجہ پیش کیا جاتا ہے (4+4+4+2=14)۔
2۔ پیٹرارکن سانیٹ (اطالوی ہیئت): اس میں نظم دو حصوں پر مشتمل ہوتی ہے۔ پہلا حصہ آٹھ مصرعوں (Octave) کا ہوتا ہے جس میں کوئی خیال یا مسئلہ پیش کیا جاتا ہے، اور دوسرا حصہ چھ مصرعوں (Sestet) کا ہوتا ہے جس میں اس مسئلے کا حل یا جواب دیا جاتا ہے (8+6=14)۔

اردو ادب میں سانیٹ: اردو میں سانیٹ کی صنف کو باقاعدہ طور پر متعارف کرانے اور مقبول بنانے میں اختر شیرانی، عظمت اللہ خان، ن۔ م۔ راشد اور فیض احمد فیض کا نام نمایاں ہے۔ ن۔ م۔ راشد کی نظم”اے مری جانِ تمنا“ اردو میں سانیٹ کی ایک بہترین اور معروف عملی مثال ہے جس میں انہوں نے چودہ مصرعوں کی اس تکنیک کو بخوبی برتا ہے۔

ان اصناف کے علاوہ دو فرانسیسی اصنافِ نظم بھی اردو میں روشناس کرائی گئیں۔ مگر یہ مقبولیت نہ حاصل کر سکیں۔
1۔ ترائیلے (Triolet) اس میں  عطا محمد شعلؔہ ،  نریش کمار شادؔ  اور عزیز تمناؔئی نے کام کیا ہے۔
2۔ رانڈو (Rondeau) اس صنف میں  عزیز تمنائیؔ نے طبع آزمائی کی ہے۔

 

bõa

 

 

مکمل تحریر >>>