قواعد اردو-33: مترادف الفاظ (ہم معنی الفاظ)

مترادف الفاظ
ایسے الفاظ جن کے معنی ایک ہوں  انہیں مترادف الفاظ کہتے ہیں۔ جیسے؛ خوش -شاد،  رنج-غم وغیرہ
کلام میں وزن یا زور پیدا کرنے کے لیے  ایک جیسے مطلب و معنی کے الفاظ ایک ساتھ استعمال کیے جاتے ہیں ۔ جیسے  علم و دانش، صنعت و حرفت، حسن و جمال، سرسبز و شاداب  وغیرہ
ہم معنی الفاظ:اسی طرح ہم معنی الفاظ کو  مترادف الفاظ  بھی کہا جا سکتا ہے۔

نوٹ:  اردو میں اہلِ زبان مترادف اور متضاد الفاظ کو عموماً ایک خاص ترتیب اور ترکیب میں استعمال کرتے ہیں جو روزمرّہ کہلاتی ہے۔  جیسے؛  حسین، خوبصورت، دلکش ، جمیل ہم معنی الفاظ ہیں مگر روزمرّہ میں حسین و جمیل ہی افصح اور درست ہو گا ۔ جبکہ حسین و خوبصورت بھدا اور غلط ہو گا۔ اسی طرح  دوست و احباب درست اور بر محل جبکہ دوست و رفیق  بے محل اور بھدا  ہو گا۔  ان الفاظ کو مروّجہ روزمّرہ کے مطابق استعمال کرنا چاہئیے۔
ذیل میں مترادف الفاظ کی ایک مختصر فہرست دی جا رہی ہے؛ ( یاد رہے یہ فہرست  صرف چند الفاظ پر مشتمل ہے)

لفظ	مترادف	لفظ	مترادف	لفظ	مترادف
حسین	جمیل	دوست	احباب	علم	دانش
صنعت	حرفت	حسن	جمال	آسان	سہل
امیر	مالدار	آس	امید	آغاز	ابتداء
آرام	آسائش	آبرو	عزت	احمق	نادان
اُلفت	محبت
احمق	بیوقوف	استقامت	ثابت قدمی	انجمن	بزم
آسمان	فلک	آدمی	انسان	آدمی	بشر
اجالا	روشنی	اجنبی	انجان	اجنبی	نا واقف
اندھیرا	تاریکی	باغ	چمن	بدن	تن-جسم
بیمار	مریض	بادشاہ	تاجدار	بادشاہ	تاجور
بہشت	جنت	بہشت	خُلد	بغض	کینہ
بہادر	شجاع	بد	بُرا	پانی	آب
پرایا	غیر	پرانا	قدیم	پاگل	دیوانہ
پریشان	فکر مند	پشیمان	نادم	پست	نیچا
پستی	نشیب	پسندیدہ	من چاہی	پریت	محبت-پیار
پیارا	محبوب	تلاش	جُستجو	تنہائی	خلوت
تقصیر	خطا	تقصیر	قصور	تصنّع	بناوٹ
تونگر	امیر	تیغ	شمشیر	تالا	قُفل
تپش	حرارت	تپش	حدّت	تعریف	توصیف
تحمُّل	بُردباری	تلخی	ترشی-ناراضی	تواضع	خدمت
تشریح	وضاحت
جدائی	فُرقت	جنم	پیدائش	جنگ	جدال
جنگ	لڑائی	جبر	تشدد	جھنڈا	پرچم-عَلَم
جھنڈا	نشان	جام	پیالہ-ساغر	چُست	چاق و چوبند
چُست	چالاک	چاہت	محبت	چاند	ماہتاب
چابی	کنجی- کلید	چَین	سکون	چیخ	پُکار
چلن	کردار
حُزن	ملال-غم	حاجت	ضرورت	حرکت	جُنبش
حُسن	جمال	حسین	جمیل	خفیف	معمولی
خفّت	شرمندگی-ندامت	حامی	مددگار	حالت	کیفیت
حوالہ	تعلق	خوف	ڈر	خوش	شاد-خرّم
خوشخبری	مُژدہ	خیر خواہ	خیر اندیش	خوب	اچھا
خیال	فکر	خواب	سپنا	خورشید	آفتاب-سورج
دوزخ	جہنم	دولت	مال-زر	دولتمند	سرمایہ دار
دنیا	عالم-جہان	ذریعہ	وسیلہ	درخت	پیڑ-شجر
درست	صحیح	دانا	عاقل	دانشمند	عقلمند
ذلَّت	رُسوائی	ذِکر	بیان	دُبلا	لاغر
دلیر	بہادر-دلاور
رنج	ملال-غم-الم	رفعت	بلندی	راہ	راستہ
رحم	مہربانی	رقیق	پتلا	رال	تھوک
رعشہ	کپکپی	رزق	روزی	روٹی	نان-چپاتی
رنگ	روغن	رکابی	طشتری	رسالہ	دستہ-کتاب
راہنما	راہبر	رونق	چہل پہل	رعونت	تکبّر-کِبر
زمین	دھرتی	زر	سونا-مال	زرد	پیلا
زبردست	طاقتور	زن	عورت	زحمت	تکلیف
زہر	مہلک	زخم	گھاؤ	زقند	چھلانگ
زُلف	گیسُو	زمانہ	وقت	زیست	حیات
زندگی	حیات	زِین	کاٹھی
سورج	آفتاب	سورج	خورشید	سُست	کاہل
سلیس	آسان	منافع	فائدہ-نفع	سستا	ارزاں
شرمندہ	نادم	شِکوَہ	شکایت	شِکُوہ	رعب-شان
شجاعت	بہادری	شدید	سخت	شمولیت	شرکت
شکست	ہار	شراب	مے-بادہ	شب	رات
شور	غل-غوغا	شملہ	عمامہ	شوق	آرزو-تمنّا
شہادت	قربانی	شہادت	گواہی
صنم	بُت	صادق	سچا	صبح	سَحَر
صاحب	محترم	صد	سو-سیکڑہ	صدق	سچائی
صدقہ	خیرات	صحرا	ریگستان	صف	قطار
ضرر	نقصان	ضروری	لازم	ضعیف	ناتواں-بزرگ
ضرب	چوٹ	ضد	ہٹ	ضیافت	دعوت
ضَو	چمک-روشنی
طالب	خواہاں	طمع	لالچ-حرص	طہارت	پاکیزگی
طرف	سمت	طئر	پرندہ-پنچھی	طَور	ڈھنگ
طاقت	قوت	طاق	محراب-خانہ	طب	حکمت-علاج
ظلمت	تاریکی	ظلم	سِتم-جُور	طشت	تھال
طاؤس	مور	ظرف	برتن	ظہیر	دوست
ظلّ	سایہ
عدل	مساوات	عادل	منصف	عداوت	دشمنی-بَیر
عرق	جوہر	عیش	عشرت	عیش	نشاط
عُسرت	تنگدستی	عشق	محبت-پیار	علیل	بیمار-مریض
عین	آنکھ-چشم	عبادت	بندگی	عبد	بندہ
عقل	ذہانت	غریب	مُفلس	غریب	نادار
غرور	تکبّر-کِبر	غم	دُکھ	غمگین	مغموم-دکھی
عارض	رخسار-گال	عُذر	بہانہ	غذا	خوراک
غرض	مطلب	غنچہ	شگوفہ-کَلی
فوج	لشکر-سپاہ	فتح	ظفر	فائدہ	نفع
فرمان	حکم	فرمانبردار	مطیع	قربانی	ایثار
قریب	نزدیک	قبر	تُربت	قیام	رہائش-اقامت
فراست	دانائی	قاضی	منصف	قرض	اُدھار
کامیاب	کامران	کہانی	داستان-حکایت	کرب	تکلیف
گیت	نغمہ-سرور	گلشن	گلزار-گلستان	گوشہ	کونہ
گہرا	عمیق	گھٹیا	ادنیٰ	گنوار	اُجڈ
گمنام	غیر معروف	گہر-گوہر	موتی	گُھن	کیڑا
گراں	مہنگا-بھاری
لاج	شرم	لاغر	دُبلا-کمزور	لمبا	طویل
لُطف	مزہ	لذیذ	مزیدار	مرقد	تُربت
مزار	مرقد	مغرور	متکبر	مجلس	محفل
محفل	بزم	مدح	توصیف	مسرّت	شادمانی
محکم	مضبوط	محل	قصر-ایوان	موت	مرگ
نجس	ناپاک	نظیر	مثال	نرم	ملائم
نحیف	ناتواں	نامی	مشہور	واقف	آشنا
وسیع	فراخ-کشادہ	وقتی	عارضی
ہوس	لالچ-طمع	ہم معنی	مترادف	ہمدم	ہم نفس
ہزیمت	شکست	ہجر	فراق-جدائی	یوم	دن
یاسیت	مایوسی	یلغار	حملہ	یگانہ	اکیلا
یقین	اعتبار	یمین	سیدھا	یخ	ٹھنڈا
یار	دوست