قواعد اردو-37: سابقے

سابقے اور لاحقے
سابقے اور لاحقے اردو زبان کے 2 ایسے جزو ہیں جن کی مدد سے بیسیوں نئے الفاظ وجود میں لائے جاتے ہیں۔  جس سے زبان کے ذخیرہٴ الفاظ میں بیش بہا اضافہ ہوتا ہے۔

سابقے
سابقہ وہ لفظ، حرف یا حروف کا مجموعہ ہے جو کسی لفظ کے شروع میں لگ کر اس کے معنی میں تبدیلی یا اضافہ کرے اور نیا لفظ بنائے۔ جیسے خود غرض۔ نا لائق۔ ہم درد۔  اَن گِنَت ۔ ان الفاظ میں خُوْد، نَا ، ہَم اور اَن   سابقے ہیں۔
درج ذیل فہرست  میں کچھ سابقے اور ان سے بننے والے الفاظ دیے گئے ہیں؛

سابقے	الفاظ	الفاظ	الفاظ	الفاظ	الفاظ
اَن	ان پڑھ	انجان	ان تھک	ان گِنَت	ان مول
اہل	اہلِ علم	اہلِ نظر	اہلِ ہمت	اہلِ زر	اہلِ دولت
اَز	از خود	ازراہِ کرم	از سرِ نو	از قسم	از قبیل
با	با ادب	با اثر	با تمیز	با اصول	با ضابطہ
بد	بد چلن	بد صورت	بد زبان	بد نصیب	بد مزاج
بلند	بلند مرتبہ	بلند اقبال	بلند خیال	بلند ہمت	بلند نظر
بے	بے مروّت	بے ادب	بے کار	بے ڈھب	بے دھڑک
پا	پابند	پاپوش	پا پیادہ	پاجامہ	پازیب
پست	پست قد	پست  ہمت	پست فطرت	پست قامت	پست خیال
پُر	پر کیف	پر زور	پر نور	پر جوش	پر معنی
پاک	پاک طینت	پاک دل	پاک باز	پاک دامن	پاک باطن
پیش	پیش خدمت	پیش قدمی	پیش کار	پیش کش	پیش رو
تنگ	تنگ دل	تنگ دامن	تنگ نظر	تنگ دست	تنگ حوصلہ
چو	ثوراہا	چو بارہ	چو ہٹّہ	چو مکھی	چوکور
خلاف	خلاف ادب	خلاف قانون	خلاف ضابطہ	خلاف توقع	خلاف عقل
خُوش	خوش ذائقہ	خوش نصیب	خوش ذوق	خوش الحان	خوش خُلق
خود	خود دار	خود پسند	خود سر	خود شناس	خود غرض
دَر	درگُزر	درماندہ	درکِنار	درآمد	درپیش
ذی	ذی روح	ذی شعور	ذی وقار	ذی شان	ذی عقل
زِیر	زیر سایہ	زیر ِ نگرانی	زیر بار	زیرِلب	زیرِ پرورش
سَر	سر تاج	س نِگوں	سر چشمہ	سر بلند	سر سبز
سُبُک	سبک دوش	سبک سر	سبک دست	سبک خرام	سبک رَو
شہ	شہ رگ	شہسوار	شہ زور	شہکار	شہباز
شاہ	شاہراہ	شاہ زادہ	شاہ جہان	شاہ کار	شاہ زادہ
صاحب	صاحب دل	صاحب کردار	صاحب علم	صاحب ہمت	صاحب اختیار
عالی	عالی نسب	عالی ہمت	عالی ظرف	عالی حوصلہ	عالی قدر
عَدم	عدم تعاون	عدم موجودگی	عدم اعتماد	عدم توجہی	عدم ادائی
غیر	غیر ممکن	غیر موزوں	غیر ضروری	غیر مفید	غیر مناسب
قابل	قابلِ قدر	قابلِ رشک	قابلِ اعتماد	قابلِ تعریف	قابلِ دید
کم	کم ظرف	کم ہمت	کم کوش	کمزور	کم عقل
لا	لا حاصل	لاوارث	لا علاج	لا تعداد	لا زوال
مہا	مہا کاج	مہا راجہ	مہارانی	مہاراج	مہا بن
نا	نا مناسب	نا واقف	نا پاک	نا جائز	نا ممکن
نیک	نیک بخت	نیک خو	نیک نیت	نیک سیت	نیک دل
نازک	نازک بدن	نازک خیال	نازک مزاج	نازک اندام	نازک طبع
نَو	نو جوان	نو مسلم	نو آباد	نو وارد	نو نہال
نیم	نیم حکیم	نیم بِسمِل	نیم مردہ	نیم شب	نیم عُریاں
ہم	ہم وطن	ہم پیشہ	ہم خیال	ہم سفر	ہم راز
یک	یک جہت	یک جان	یک زبان	یک رنگ	یک دل